Oorsig Inhoud Uittreksels Bestelling   Kontak  
 

Nuwe vrystelling in Afrikaans

Met hierdie boek neem Etrese Buter ons op reis deur die geskiedenis en vertel oor die lewe van vier Suid-Afrikaanse families. Hulle verhale begin by die ou Germane en die vroeŽ geskiedenis in Europa en loop deur Suider-Afrika tot by die gebeure van vandag. Die boek gaan nie oor fiktiewe karakters nie, maar oor werklike persone en alhoewel die klem in die verhaal op vier families val, is dit in werklikheid ook die verhaal van elke Suid-Afrikaner met 'n lang geskiedenis in hierdie land.

Die verhaal omvat die meeste groot gebeurtenisse en tydperke van ons geskiedenis soos die beginjare in die Kaap, die pioniers in die binneland, die stigting van Pretoria, die Voortrekkers, die Dorslandtrek, die Anglo-Boereoorlog en tot by die situasie waarin ons ons vandag bevind.

Een hoofstuk van Was ek 'n voŽl, dan vlieg ek weg vertel die verhaal uit 'n dagboek van haar ouma wat geskryf is op 'n trek terug van Angola na Suidwes Afrika. Dit is 'n hartroerende verhaal van moed en wanhoop, swaarkry en uithou omdat jy nie kan omdraai nie.

Waar kom party van ons bygelowe, ons gewoontes en tradisies vandaan? Hoekom klink ons glasies as ons 'n heildronk instel en wat is ons verbintenis met eikebome? Met baie interessanthede, agtergrondinligting en veral met baie gevoel word die karakters en die lewensomstandighede uit die verlede vir ons nader gebring.